കൊച്ചി: അനധികൃത പണമിടപാടുമായി ബന്ധപ്പെട്ട് കൊച്ചിയില്‍ മൂന്നു പേരെ പൊലിസ് അറസ്റ്റ് ചെയ്തു. തമിഴ്‌നാട് സ്വദേശികളായ ഇസക്മുത്ത്, ചിറ്റരശ്, ടി രാജ്കുമാര്‍ എന്നിവരാണ് അറസ്റ്റിലായത്. 500 കോടിയോളം രൂപ കേരളത്തിലേക്ക് മാത്രം ഇവര്‍ വിതരണം ചെയ്തതായാണ് വിവരം. കേരളത്തിലെ വന്‍കിട ബിസിനസ് ഗ്രൂപ്പിന്റെ കണ്ണികളാണ് ഇവരെന്നും പൊലിസ് പറഞ്ഞു.

എറണാങ്കുളം സ്വദേശി ഫിലിപ് ജേക്കബിന്റെ പരാതിയെ തുടര്‍ന്നാണ് ഇവര്‍ അറസ്റ്റിലായത്. ചെന്നൈയിലെ ടിഡി അസോസിയേറ്റ്‌സ് ഉടമ മഹാരാജ് എന്നയാളാണ് പണം നല്‍കിയതെന്നാണ് ഇവരുടെ മൊഴി. സംഭവത്തെക്കുറിച്ച് വിശദമായ അന്വേഷണം ആരംഭിച്ചതായി പൊലിസ് അറിയിച്ചു.