തിരുവനന്തപുരം: എം.പി വീരേന്ദ്രകുമാര്‍ ജെ.ഡി.യുവിന്റെ രാജ്യസഭാ സ്ഥാനാര്‍ഥി. ഇന്ന് ചേര്‍ന്ന പാര്‍ലമെന്ററി പാര്‍ട്ടി യോഗത്തിലാണ് തീരുമാനമുണ്ടായത്. എല്‍.ഡി.എഫ് പിന്തുണയോടെ അദ്ദേഹം തിങ്കളാഴ്ച്ച നാമനിര്‍ദ്ദേശ പത്രിക സമര്‍പ്പിക്കും. ഈ മാസം 23 നാണ് തെരഞ്ഞെടുപ്പ് നടക്കുന്നത്.

രാജ്യസഭാ തെരഞ്ഞെടുപ്പില്‍ ജെ.ഡി.യുവുമായി സഹകരിക്കാന്‍ വെള്ളിയാഴ്ച ചേര്‍ന്ന ഇടതുമുന്നണി യോഗത്തില്‍ ധാരണയായിരുന്നു.

രാജ്യസഭാ സീറ്റ് ജെ.ഡി.യുവിന് നല്‍കാനും പാര്‍ട്ടിയുമായി സഹകരണം മാത്രം തുടരാനുമാണ് ഇടതുമുന്നണി തീരുമാനിച്ചത്. മുന്നണിപ്രവേശനം പിന്നീട് ചര്‍ച്ച ചെയ്ത് തീരുമാനിക്കും.