കോഴിക്കോട്:'നേരിനൊപ്പം ഒത്തുചേരാന്‍' എന്ന പ്രമേയത്തില്‍ എസ്.കെ.എസ്.എസ്. എഫ് നടത്തിയ മെമ്പര്‍ഷിപ്പ് കാംപയിനില്‍ മേഖല കോ ഓര്‍ഡിനേറ്റര്‍മാരായി സേവനം ചെയ്തവരുടെ സംഗമവും ഉപഹാര സമര്‍പ്പണവും നാളെ ഉച്ചക്ക് 1 മണി മുതല്‍ കോഴിക്കോട് സുപ്രഭാതം ഓഡിറ്റോറിയത്തില്‍ നടക്കും.
സംസ്ഥാന പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങള്‍ ഉദ്ഘാടനം ചെയ്യും. ജന.സെക്രട്ടറി സത്താര്‍ പന്തലൂര്‍, ബശീര്‍ ഫൈസി ദേശമംഗലം, ആസിഫ് ദാരിമി പുളിക്കല്‍ എന്നിവര്‍ ക്ലാസെടുക്കും. മുഴുവന്‍ കോ ഓര്‍ഡിനേറ്റര്‍മാരും പങ്കെടുക്കണമെന്ന് കണ്‍വീനര്‍ റശീദ് ഫൈസി വെള്ളായിക്കോട് അറിയിച്ചു.