കൊണ്ടോട്ടി: രണ്ടു വനിതാ ട്രെയിനര്‍മാര്‍ ഉള്‍ െപ്പടെ സംസ്ഥാനത്തുനിന്നുള്ള 48 അംഗ സംഘം കേന്ദ്ര ഹജ്ജ് കമ്മിറ്റിയുടെ പരിശീലനം കഴിഞ്ഞ് മുംബൈയില്‍ നിന്ന് മടങ്ങിയെത്തി.
അഖിലേന്ത്യാ തലത്തില്‍ നടത്തിയ ഹജ്ജ് ട്രെയിനര്‍മാരുടെ രണ്ടുദിവസത്തെ പരിശീലന ക്ലാസില്‍ 600 പേരാണ് വിവിധ സംസ്ഥാനങ്ങളില്‍ നിന്നായി പങ്കെടുത്തത്.
തീര്‍ഥാടനത്തിന് അവസരം ലഭിച്ചവര്‍ യാത്രയ്ക്ക് മുന്‍പും യാത്രയിലും ഹജ്ജ് വേളയിലും ചെയ്യേണ്ടതും ശ്രദ്ധിക്കേണ്ടതുമായ കാര്യങ്ങളില്‍ അവബോധം നല്‍കുകയാണ് ട്രെയിനര്‍മാരുടെ ലക്ഷ്യം. പരിശീന ക്ലാസുകള്‍ക്ക് നേതൃത്വം നല്‍കുന്നതും ട്രെയിനര്‍മാരാണ്.
താമരശ്ശേരി, പാലക്കാട് എന്നിവിടങ്ങളില്‍ നിന്നുള്ളവരാണ് വനിതാ ട്രെയിനര്‍മാര്‍. ഇതിന് പുറമെ ഹജ്ജ് അസി.സെക്രട്ടറി അബ്ദുറഹിമാന്‍, ഹജ്ജ് കോ ഓഡിനേറ്റര്‍ ഷാജഹാന്‍ തുടങ്ങിയവരും പങ്കെടുത്തിരുന്നു.