കൊല്ലം: അര്‍ബന്‍ ഐ.സി.ഡി.എസ് പ്രോജക്ടില്‍ 25 അങ്കണവാടികളിലെ പ്രവേശനോത്സവം ടി .എം വര്‍ഗീസ് ഹാളില്‍ ടാക്‌സ് ആന്റ് അപ്പീല്‍ കമ്മിറ്റി ചെയര്‍പേഴ്‌സണ്‍ അഡ്വ. ഷീബാ ആന്റണി ഉദ്ഘാടനം ചെയ്തു.
അര്‍ബന്‍ മുന്‍ സി.ഡി.പി.ഒ ആനന്ദാഭായി അമ്മ അധ്യക്ഷത വഹിച്ചു.  എം.മുകേഷ് എം.എല്‍.എ പ്രസംഗിച്ചു. ജില്ലാ സാമൂഹ്യനീതി ഓഫീസര്‍ എസ് സബീനാ ബീഗം പ്രവേശനോത്സവത്തിന്റെ പ്രാധാന്യത്തെക്കുറിച്ചും അങ്കണവാടി സേവനങ്ങള്‍ ജനങ്ങളില്‍ എത്തിക്കുന്നതിനെക്കുറിച്ചും സംസാരിച്ചു. വിരമിച്ച അങ്കണവാടി പ്രവര്‍ത്തകരെ ജില്ലാ പ്രോഗ്രാം ഓഫീസര്‍ ഗീതാകുമാരി ആദരിച്ചു.  ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ ഗീതാകുമാരി, അര്‍ബന്‍1 സി ഡി പി ഒ ജെ ശ്രീദേവിയമ്മ, പ്രൊഫ. ഉദയ കരുമാലില്‍ സുകുമാരന്‍, വത്സല, ബെര്‍ലിന്‍ ഫ്രാന്‍സിസ്, ഡോ സുജിത്ത്, പി കെ രാജേന്ദ്രന്‍, നഗരസഭാ കൗണ്‍സിലര്‍ കോകില എസ് കുമാര്‍ തുടങ്ങിയവര്‍ പങ്കെടുത്തു.