കൊളംബോ: ശ്രീലങ്കയും ബംഗ്ലാദേശും തമ്മിലുള്ള ടി20 മത്സരത്തില്‍ ബംഗ്ലാദേശിന് അഞ്ചു വിക്കറ്റ് ജയം. ശ്രീലങ്ക നേടിയ 214 റണ്‍സെന്ന കൂറ്റന്‍ സ്‌കോര്‍ പിന്തുടര്‍ന്നാണ് ബംഗ്ലാദേശ് ജയിച്ചത്. ടോസ് നേടിയ ബംഗ്ലാദേശ് ഫീല്‍ഡ് തിരഞ്ഞെടുക്കയായിരുന്നു.
ആദ്യം ബാറ്റ് ചെയ്ത ശ്രീലങ്ക ആറു വിക്കറ്റ് നഷ്ടത്തില്‍ 214 റണ്‍സെടുത്തു. കുശാല്‍ പെരേരയുടെ 74 റണ്‍സിന്റെ പിന്‍ബലത്തിലാണ് ലങ്കക്ക് കൂറ്റന്‍ സ്‌കോര്‍ നേടാനായത്. 57 റണ്‍സ് നേടി കുശാല്‍ മെന്‍ഡിസും മികച്ച പ്രകടനം പുറത്തെടുത്തു. 32 റണ്‍സ് നേടി ഉപുല്‍ തരംഗയും 26 റണ്‍സ് നേടി ധനുഷ്‌ക ഗുണതിലകും മികച്ച ബാറ്റിങ്ങ് പുറത്തെടുത്തു. മുഷ്ഫികുറഹിമിന്റെ മികച്ച ബാറ്റിങ്ങിന്റെ പിന്‍ബലത്തിലായിരുന്ന ബംഗ്ലാദേശിന്റെ വിജയം. 72 റണ്‍സെടുത്ത മുഷ്ഫിഖ് മികച്ച താരമായി.