പ്രീമിയര്‍ ലീഗില്‍ ലിവര്‍പൂളിനെ മാഞ്ചസ്റ്റര്‍ യുനൈറ്റഡ് ഒന്നിനെതിരേ രണ്ട് ഗോളുകള്‍ക്ക് പരാജയപ്പെടുത്തു. മാര്‍ക്‌സ് റാഷ്‌ഫോഡാണ് മാഞ്ചസ്റ്ററിന് വേണ്ടി രണ്ട് ഗോളുകള്‍ നേടിയത്. 14-ാം മിനുട്ടില്‍ തന്നെ ഗോളുമായി തുടങ്ങിയ മാഞ്ചസ്റ്റര്‍ വ്യക്തമായ ആധിപത്യവുമായാണ് കളിച്ചത്. 24-ാം മിനുട്ടില്‍ രണ്ടാം ഗോളും പിറന്നതോടെ ലിവര്‍പൂള്‍ പ്രതിരോധത്തിലായി. മാഞ്ചസ്റ്റിന്റെ സെല്‍ഫ് ഗോളിന്റെ ആശ്വാസത്തില്‍ ലിവര്‍പൂള്‍ ഒരു തോല്‍വിയുമായി കളംവിട്ടു.
എതിരില്ലാത്ത മൂന്ന് ഗോളുകള്‍ക്ക് ന്യൂ കാസില്‍ യുനൈറ്റഡ് സതാംപ്റ്റണെ പരാജയപ്പെടുത്തി. കെന്നഡി രണ്ടും മാട്ട റിച്ചി ഒരു ഗോളും നേടി. ബ്രിഗ്ടണും എവര്‍ട്ടണും തമ്മിലുള്ള മത്സരത്തില്‍ എതിരില്ലാത്ത രണ്ട് ഗോളുകള്‍ക്ക് എവര്‍ട്ടണ് വിജയിച്ചു. വെസ്റ്റ് ബ്രോമും ലെസ്റ്റര്‍ സിറ്റിയും തമ്മിലുള്ള മത്സരത്തില്‍ എതിരില്ലാത്ത നാലു ഗോളുകള്‍ക്ക് ലെസ്റ്റര്‍ സിറ്റി വെസ്റ്റ് ബ്രോമിനെ പരാജയപ്പെടുത്തി.
ബേണ്‍ലി എഫ്. സി എതിരില്ലാത്ത മൂന്ന് ഗോളുകള്‍ക്ക് വെസ്റ്റ് ഹാം യുനൈറ്റഡിനെ പരാജയപ്പെടുത്തി.