കോഴിക്കോട്: തിരുവനന്തപുരം, കോഴിക്കോട് ലൈറ്റ് മെട്രോയുമായി ബന്ധപ്പെട്ടുള്ള കാര്യങ്ങള്‍ മുന്നണിയില്‍ ചര്‍ച്ച ചെയ്തിട്ടില്ലെന്ന് സി.പി.ഐ സംസ്ഥാന സെക്രട്ടറി കാനം രാജേന്ദ്രന്‍.
വിഷയത്തില്‍ കൂടുതല്‍ പഠനം ആവശ്യമുണ്ടെന്നാണ് ധനമന്ത്രി തോമസ് ഐസ്‌ക് പറഞ്ഞത്. കൊച്ചി മെട്രോ നഷ്ടത്തിലാണ് പ്രവര്‍ത്തിക്കുന്നത്. അതിനാല്‍ തിരുവനന്തപുരം, കോഴിക്കോട് ലൈറ്റ് മെട്രോയെക്കുറിച്ച് വിശദമായ പഠനം നടത്തി തീരുമാനിക്കുന്നതാണ് ഉചിതം .
കെ.എസ്.ആര്‍.ടി.സി പെന്‍ഷന്‍പ്രായം കൂട്ടുന്നതുമായി ബന്ധപ്പെട്ട വിഷയത്തില്‍ പാര്‍ട്ടി അധികം വൈകാതെ നിലപാടറിയിക്കുമെന്നും അദ്ദേഹം മാധ്യമപ്രവര്‍ത്തകരോട് പറഞ്ഞു.