കോഴിക്കോട്: ടി.പി ചന്ദ്രശേഖരന്‍ കമ്യുണിസ്റ്റ് വിരുദ്ധനല്ലെന്നും ടി.പിയുടെ നിലപാട് ശരിയായിരുന്നുമെന്ന കോടിയേരിയുടെ കുറ്റസമ്മതം ജനങ്ങളെ വഞ്ചിക്കാനാണെന്നും കുലംകുത്തി പ്രയോഗം തിരുത്തി പിണറായി വിജയന്‍ ജനങ്ങളോട് മാപ്പ് പറയണമെന്നും ആര്‍.എം.പി.ഐ സംസ്ഥാന സെക്രട്ടറി എന്‍.വേണു പ്രസ്താവനയില്‍ പറഞ്ഞു. ടി.പി വധം സി.പി.എം നേതാക്കളെ വിടാതെ പിന്‍തുടരുമ്പോള്‍ കൊലയാളി പാര്‍ട്ടിയെന്ന നിലയില്‍ അവര്‍ ജനങ്ങളില്‍ നിന്നു ഒറ്റപ്പെട്ടുകൊണ്ടിരിക്കുകയാണ്. ടി.പിയുടെ നിലപാടില്‍ നിന്നു ആര്‍.എം.പി.ഐ വ്യതിചലിച്ചെന്ന കോടിയേരിയുടെ വിമര്‍ശനം വൈകിയാണെങ്കിലും ടി.പിയെയും അദ്ദേഹത്തിന്റെ പാര്‍ട്ടിയേയും അംഗീകരിക്കാന്‍ സി.പി.എം നിര്‍ബന്ധിതമായതിന്റെ തെളിവാണെന്നും അദ്ദേഹം പറഞ്ഞു.