വെങ്ങപ്പള്ളി: പഞ്ചാവില്‍ സ്വകാര്യ വ്യക്തിയുടെ ഒരേക്കറോളം തോട്ടം കത്തിനശിച്ചു.
ഇന്നലെ ഉച്ചയോടെയാണ് പഞ്ചാവിലെ സ്വകാര്യ ക്രഷറിലെ ഒരേക്കറോളം വരുന്ന തോട്ടം കത്തി നശിച്ചത്. ക്രഷറിനടുത്ത് ജോലി ചെയ്തുകൊണ്ടിരുന്ന തൊഴിലാളികളാണ് തീ ആദ്യം കണ്ടത്.
ഉടനെ ഫയര്‍ ഫോഴ്‌സിനെ വിവരമറിയിക്കുകയായിരുന്നു. നാട്ടുകാരുടെയും കല്‍പ്പറ്റയില്‍ നിന്നെത്തിയ അഗ്നിസുരക്ഷാ സേനയുടെയും കൃത്യമായ ഇടപെടലാണ് വന്‍ ദുരന്തം ഒഴിവാകാന്‍ കാരണം. തീ പിടിത്തമുണ്ടായ സ്ഥലത്ത് നിന്നും മീറ്ററുകള്‍ അകലെ ജനങ്ങള്‍ തിങ്ങിപാര്‍ക്കുന്നയിടം കൂടിയാണ്.