കാട്ടാമ്പള്ളി: കാട്ടാമ്പള്ളി ജി.എം യു.പി സ്‌കൂളില്‍ അഴീക്കോട് മണ്ഡലം മുസ്‌ലിംലീഗ് ലീഡേഴ്‌സ് ക്യാംപ് മുസ്‌ലിംലീഗ് സംസ്ഥാന വൈസ് പ്രസിഡന്റ് വി.കെ അബ്ദുല്‍ ഖാദര്‍ മൗലവി ഉദ്ഘാടനം ചെയ്തു. മണ്ഡലം പ്രസിഡന്റ് കെ.വി ഹാരിസ് അധ്യക്ഷനായി. അബ്ദുല്ല മൗലവി പ്രാര്‍ഥന നടത്തി.
കെ.പി.എ സലീം, ഇ.വി ഖാദര്‍, പി. കുഞ്ഞിമുഹമ്മദ്, അഡ്വ. അബ്ദുല്‍ കരീം ചേലേരി, ജലാലുദ്ദീന്‍ അറഫാത്ത് സംസാരിച്ചു.
മുസ്‌ലിംലീഗിന്റെ പ്രസക്തി അന്നും ഇന്നും' എന്ന വിഷയത്തില്‍ ഉസ്മാന്‍ താമരത്ത് മലപ്പുറം ക്ലാസെടുത്തു. അബ്ദുറഹിമാന്‍ കല്ലായി ഉദ്ഘാടനം ചെയ്തു. എം. അഷ്‌റഫ് അധ്യക്ഷനായി. ടി. അബ്ദുല്‍ ജബ്ബാര്‍, സി.എച്ച് അബ്ദുല്‍ സലാം സംസാരിച്ചു. സംഘടനാ സെഷന്‍ വി.പി വമ്പന്‍ ഉദ്ഘാടനം ചെയ്തു.
കെ.എം ഷാജി എം.എല്‍.എ, പി.എം മുഹമ്മദ് കുഞ്ഞി ഹാജി അധ്യക്ഷനായി.
ബി.കെ അഹമ്മദ്, സി.പി റഷീദ്, ടി.കെ നിസാര്‍, ടി.പി.വി കാസിം, കെ.പി താഹിര്‍, എം.പി.എ റഹീം, ജാസിര്‍ ചാലാട്, മഹമൂദ് ഹാജി കാട്ടാമ്പള്ളി സംസാരിച്ചു. എസ്.ടി.യു ദേശീയ വൈസ് പ്രസിഡന്റ് എം.എ കരീം ഉപഹാര വിതരണവും നടത്തി.