പൊതുവാച്ചേരി: പൊതുവാച്ചേരി സെന്‍ട്രല്‍ യു.പി സ്‌കൂള്‍ 107ാം വാര്‍ഷികാഘോഷത്തിന്റെ സമാപന സമ്മേളനം സിനിമാതാരം മാമുക്കോയ ഉദ്ഘാടനം ചെയ്തു. വിദ്യാഭ്യാസം നല്ല പൗരന്മാരെ സൃഷ്ടിക്കാനുള്ള ഉപാധിയാവണമെന്നും മുസ്‌ലിമാണെങ്കില്‍ നല്ല മുസ്‌ലിമായും ഹിന്ദുവാണെങ്കില്‍ നല്ല ഹിന്ദുവായും ക്രിസ്ത്യാനിയാണെങ്കില്‍ നല്ല ക്രിസ്ത്യാനിയായും കുട്ടികളെ വളര്‍ത്തണമെന്നും മാമുക്കോയ പറഞ്ഞു. മത്സര വിജയികള്‍ക്കുളള സമ്മാനം അദ്ദേഹം വിതരണം ചെയ്തു. പി.ടി.എ പ്രസിഡന്റ് എം. രാജേന്ദ്രന്‍ അധ്യക്ഷനായി. വിവിധ മേഖലകളില്‍ മികവ് തെളിയിച്ച വിദ്യാര്‍ഥികളെ മാനേജര്‍ വി.കെ ഖാലിദ് അനുമോദിച്ചു. ഹെഡ്മാസ്റ്റര്‍ ടി. ബാബു, പത്രപ്രവര്‍ത്തകന്‍ ലാല്‍ചന്ദ്, കെ.വി അബ്ദുല്‍ അസീസ്,പി.വി പ്രകാശന്‍, എ.ആര്‍ ജിതേന്ദ്രന്‍, പി.കെ രാധാകൃഷ്ണന്‍, പി.കെ അബ്ദുല്‍ സലാം സംസാരിച്ചു.