ബോവിക്കാനം: കാറും ബൈക്കും കൂട്ടിയിടിച്ച് രണ്ടുപേര്‍ക്കു പരുക്ക്. ഇന്നലെ വൈകിട്ട് അഞ്ചോടെ ബോവിക്കാനം കാനത്തൂര്‍ റോഡിലെ ബാവിക്കര റോഡിനു സമീപമാണ് അപകടമുണ്ടായത്. ബാവിക്കരയില്‍നിന്നു വരുകയായിരുന്ന കാറും ബോവിക്കാനത്തുനിന്നു വരുകയായിരുന്ന ബൈക്കുമാണ് കൂട്ടിയിടിച്ചത്. അപകടത്തില്‍ ബൈക്ക് യാത്രക്കാരായ സ്ത്രീക്കും പുരുഷനുമാണ് പരുക്കേറ്റത്. ഇരുവരെയും മംഗളൂരുവിലെ ആശുപത്രിയില്‍ പ്രവേശിപ്പിച്ചു.
വിവിധ ആവശ്യങ്ങളുന്നയിച്ച്
ഡി.സി.സി ധര്‍ണ ഇന്ന്
കാസര്‍കോട്: പ്രഭാകരന്‍ കമ്മിഷന്‍ പാക്കേജിന് ഫണ്ട് അനുവദിക്കുക, എന്‍ഡോസള്‍ഫാന്‍ ദുരിതബാധിതരോട് നീതി പാലിക്കുക, മെഡിക്കല്‍ കോളജിന്റെ പ്രവര്‍ത്തനം ത്വരിതപ്പെടുത്തുക, ജില്ലയോടുള്ള റെയില്‍വേ അവഗണന അവസാനിപ്പിക്കുക തുടങ്ങിയ ആവശ്യങ്ങളുന്നയിച്ച് ഇന്നു രാവിലെ 9.30നു ഡി.സി.സിയുടെ നേതൃത്വത്തില്‍ കലക്ടറേറ്റ് പരിസരത്ത് ധര്‍ണ നടത്തും.
ധര്‍ണ ബെന്നി ബെഹ്‌നാന്‍ ഉദ്്ഘാടനം ചെയ്യും.