പെരുമ്പാവൂര്‍: ഇന്ത്യന്‍ യൂണിയന്‍ മുസ്‌ലിം ലീഗിന്റെ എഴുപതാം വാര്‍ഷികാഘോഷം വാഴക്കുളം പഞ്ചായത്തിലെ മൗലൂദ്പുര ശാഖയില്‍ വിവിധ പരിപാടികളോടെ ആചരിച്ചു. ഹൈദരലി ജങ്ഷനില്‍ മുതിര്‍ന്ന നേതാവ് എന്‍.എം പരീത്, താര ജങ്്ഷനില്‍ അബൂക്കര്‍ കാരോളിയും പതാക ഉയര്‍ത്തി. സാമുഹ്യ സഹായ പദ്ധതി മുസ്‌ലിം ലീഗ് പഞ്ചായത്ത് പ്രസിഡന്റ് കെ.കെ ഷാജഹാന്‍ ഉദ്ഘാടനം ചെയ്തു. ആദ്യഘട്ടത്തില്‍ 70 നിര്‍ധന കുടുംബങ്ങള്‍ക്ക് അഞ്ച് കിലോ അരി വീതം വിതരണം ചെയ്തു.
ശാഖ പ്രസിഡന്റ് ഇ.കെ അബൂബക്കറിന്റെ അധ്യക്ഷതയില്‍ പഞ്ചായത്ത് മുസ്‌ലിം ലീഗ് സെക്രട്ടറി കെ.എ നൗഷാദ് മാസ്റ്റര്‍, കെ.കെ അബ്ദുല്‍ റഹിമാന്‍, മാഹിന്‍ അബു മുച്ചേത്ത്, ജാഫര്‍ കാരിയേലി, ഐമുണ്ണി പാലക്കല്‍ എന്നിവര്‍ സംബന്ധിച്ചു.