വളാഞ്ചേരി: കഞ്ഞിപ്പുര മൂടാല്‍ ബൈപാസ് ഒരുവര്‍ഷത്തിനകം പൂര്‍ത്തിയാക്കുമെന്ന് മന്ത്രി കെ.ടി ജലീല്‍ പറഞ്ഞു. സി.പി.എം ഏരിയാ കമ്മറ്റിയുടെ ആഭിമുഖ്യത്തില്‍ കഞ്ഞിപ്പുരയില്‍ സംഘടിപ്പിച്ച ബൈപ്പാസ് വിശദീകരണയോഗത്തില്‍ സംസാരിക്കുകയായിരുന്നു അദ്ദേഹം. ആവശ്യമായ പണം അനുവദിക്കുന്നതിന് ധനകാര്യമന്ത്രിയെ ഇതിന്റ ഗൗരവം ബോധ്യപൈടുത്തിയിട്ടുണ്ട്ഒരുവര്‍ഷത്തിന് ഉള്ളില്‍ അത് യാഥാര്‍ഥ്യമാകുമെന്നും അതില്‍ ആര്‍ക്കും സംശയം വേണ്ടെന്നും ഞങ്ങള്‍ പറഞ്ഞിട്ടുണ്ടെങ്കില്‍ നടപ്പിലാക്കിയിരിക്കുമെന്നും അദ്ദേഹം ഉറപ്പ് നല്‍കി. അപകടത്തില്‍ മരണപ്പെട്ടവരുടെ കുടുംബത്തിന് ധനസഹായം ലഭ്യമാക്കാന്‍ ശ്രമിക്കുമെന്നും അദ്ദേഹം പറഞ്ഞു. വി.പി.സക്കരിയ,വി.കെ.ശങ്കരന്‍മാസ്റ്റര്‍ സംസാരിച്ചു