മഞ്ചേരി: തുറക്കല്‍ എച്ച്.എം.എ.യു.പി സ്‌കൂളില്‍ നടന്ന രക്ഷിതാക്കള്‍ക്കുള്ള കലാപ്രകടന വേദി പുത്തനനുഭവമായി. പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായാണ് രക്ഷിതാക്കള്‍ക്കായി പാരന്റോത്സവ് സംഘടിപ്പിച്ചത്. രാവിലെ പത്തിനു തുടങ്ങിയ പാരന്റോത്സവ് സാഹിത്യകാരന്‍ പി.കെ പാറക്കടവ് ഉദ്ഘാടനം ചെയ്തു.
ടെലിഫിലിം നടന്‍ സിദ്ദീഖ് കൊടിയത്തൂര്‍ മുഖ്യാതിഥിയായി. പി.ടി.എ പ്രസിഡന്റ് വല്ലാഞ്ചിറ മജീദ് അധ്യക്ഷനായി.
മാനേജര്‍ പി. നാണി ഹാജി, ഹെഡ്മിസ്ട്രസ് കെ. രാജേശ്വരി, കണ്ണിയന്‍ അബൂബക്കര്‍, ചിത്രകാരന്‍മാരായ രാമചന്ദ്രന്‍ പുല്ലൂര്‍, കെ.എം.എ ഷുക്കുര്‍ തുടങ്ങിയവര്‍ സംസാരിച്ചു.