ആലപ്പുഴ: പള്‍സ് പോളിയോ ജില്ലാതല ഉദ്ഘാടനം ഭക്ഷ്യ സിവില്‍സപ്ലൈസ് വകുപ്പ് മന്ത്രി പി. തിലോത്തമന്‍ ചേര്‍ത്തല താലൂക്ക് ആശുപത്രിയില്‍ ഉദ്ഘാടനം ചെയ്തു.ചേര്‍ത്തല നഗരസഭാ ചെയര്‍മാന്‍ ഐസക് മാടവന അധ്യക്ഷനായി.
വിദ്യാഭ്യാസ സ്റ്റാന്‍ഡിങ് ബി കമ്മിറ്റി ചെയര്‍മാന്‍ ഭാസി, കൗണ്‍സിലര്‍ ഡി. ജ്യോതിഷ്, ജില്ലാ ആര്‍.സി.എച്ച് ഓഫിസര്‍ ഡോ. കെ.ബി.മോഹന്‍ദാസ്, ഡോക്ടര്‍മാരായ അനില്‍കുമാര്‍, സാബു സുഗതന്‍, സംഗീത ജോസഫ്, ലൂക്കോസ് മാസ് മീഡിയ ഓഫിസര്‍ ജി.ശ്രീകല സംസാരിച്ചു.
അമ്പലപ്പുഴ: പള്‍സ് പോളിയോ തുള്ളിമരുന്ന് വിതരണം അമ്പലപ്പുഴ ബ്ലോക്ക് തല ഉദ്ഘാടനം അര്‍ബന്‍ ഹെല്‍ത്ത് സെന്ററില്‍ ബ്ലോക്ക് പഞ്ചായത്ത് പ്രസിഡന്റ് പ്രജിത് കാരിക്കല്‍ നിര്‍വഹിച്ചു.ബ്ലോക്ക് വൈസ് പ്രസിഡന്റ് വി.എസ് മായാദേവി അധ്യക്ഷയായി. അമ്പലപ്പുഴ തെക്ക് പഞ്ചായത്ത് പ്രസിഡന്റ് ജി.വേണു ലാല്‍, പഞ്ചായത്തംഗങ്ങളായ രമാദേവി, ശ്രീജ രതീഷ് , ഡോ.വിശ്വകല , ഡോ. അശ്വതി, രാജന്‍, ഷിജിമോന്‍, ജയകൃഷ്ണന്‍ പങ്കെടുത്തു. രാവിലെ എട്ട് മുതല്‍ വൈകിട്ട് അഞ്ചു വരെ വിവിധ കേന്ദ്രങ്ങളില്‍ മരുന്ന് വിതരണം ചെയ്യും.