മണ്ണാര്‍ക്കാട്: പൊതുവപ്പാടം മലയോരം കത്തുന്നു. തീയണക്കാന്‍ കഴിയാതെ അധികൃതര്‍ വലയുന്നു. കഴിഞ്ഞ മൂന്ന് ദിവസമായി മലയോരം പാടെ കത്തിപ്പടരുകയാണ്. സൈലന്റ്‌വാലി മലയോട് ചേര്‍ന്ന് കിടക്കുന്ന മലമ്പ്രദേശമാണ് പൊതുവപ്പാടം.
കുറ്റിച്ചെടികളടക്കം നിരവധി മരങ്ങള്‍ ഇതിനോടകം കത്തിയമര്‍ന്നു. വനത്തിലുളള ചെറുതും വലുതുമായ നിരവധി ജന്തുക്കളുടെ ജീവനും തീ ഭീഷണിയായി മാറി. പാത്രക്കടവിന് സമീപത്തെ മലയോരവും കത്തിയമര്‍ന്നു. വനം വകുപ്പ് അധികൃതര്‍ തീയണക്കാന്‍ ശ്രമം നടത്തിയെണ്ടെങ്കിലും കാര്യമായ ഫലമില്ല.