കയ്പ്പമംഗലം : പെരിഞ്ഞനം പൊന്മാനിക്കുടത്ത് മദ്രസ അധ്യാപകനെ മര്‍ദിച്ച കേസില്‍ രണ്ടു പേരെ പൊലിസ് അറസ്റ്റ് ചെയ്തു. പെരിഞ്ഞനം കുറ്റിലക്കടവ് മതിലകത്ത് വീട്ടില്‍ ഷംസുദ്ദീന്‍ (38), നടുവിലകത്ത് അമീര്‍ (37) നെയാണു മതിലകം എസ്.ഐ പി.കെ മോഹിത്തും സംഘവും അറസ്റ്റ് ചെയ്തത്. ശനിയാഴ്ച രാവിലെ ഒന്‍പതോടെയാണ് പൊന്‍മാനിക്കുടം ഇത്തിഹാദുല്‍ മുസ്‌ലിമീന്‍ മദ്രസയിലെ അധ്യാപകന്‍ വരവൂര്‍ സ്വദേശി രായംമരയ്ക്കാര്‍ വീട്ടില്‍ മുഹമ്മദ് കുട്ടിയെ ക്ലാസില്‍ കയറി മര്‍ദിച്ചത്. . കോടതിയില്‍ ഹാജരാക്കിയ പ്രതികളെ റിമാന്റ് ചെയ്തു. സീനിയര്‍ സി.പി.ഒ സെബി, സി.പി.ഒ രഞ്ജിത്ത് അടങ്ങുന്ന സംഘമാണ് പ്രതികളെ പിടികൂടിയത്.