ഗുരുവായൂര്‍: മാനസിക വളര്‍ച്ചയില്ലാത്ത പെണ്‍ക്കുട്ടിയെ പീഡിപ്പിച്ച കേസില്‍ പാവറട്ടി വെങ്കിടങ്ങ് സ്വദേശി മഞ്ചറമ്പത്ത് സുമേഷി(40)നെ ഗുരുവായൂര്‍ പൊലിസ് അറസ്റ്റു ചെയ്തു.
മാനസിക വളര്‍ച്ചയില്ലാത്ത പെണ്‍കുട്ടിയെ പ്രലോഭിച്ചു പലതവണയായി പ്രതി പീഡിപ്പിക്കുകയായിരുന്നു.
2014 ല്‍ ആണു കേസിനാസ്പമായ സംഭവം. സംഭവത്തിനു ശേഷം പ്രതി വിദേശത്തേക്കു പോകുകയായിരുന്നു. പീഡനത്തിനു ശേഷം മാനസികമായി അസ്വസ്ഥത കാണിച്ച പെണ്‍കുട്ടിയെ മെഡിക്കല്‍ കോളജില്‍ പ്രവേശിപ്പിച്ചിരുന്നു. കൗണ്‍സിലിങ്ങിനു വിധേയമായപ്പോഴാണു വീട്ടുകാര്‍ പീഡനവിവരം അറിയുന്നത്.
തുടര്‍ന്നു പൊലിസില്‍ പരാതി നല്‍കുകയായിരുന്നു. ഗള്‍ഫില്‍ നിന്നു നാട്ടിലേക്കു വരുന്ന വഴി നെടുമ്പാശ്ശേരി എയര്‍പോര്‍ട്ടില്‍ നിന്നുമാണു പ്രതിയെ പൊലിസ് അറസ്റ്റു ചെയ്തത്.
ഗുരുവായൂര്‍ ടെമ്പിള്‍ സി.ഐ പി.എസ് സുനില്‍കുമാര്‍, പാവര്‍ട്ടി പൊലിസ് സ്‌റ്റേഷന്‍ അഡീഷണല്‍ എസ്.ഐ എം.വി ജയപ്രകാശ്, എ.എസ്.ഐ ശ്രീകുമാര്‍, സി.പി.ഒ മാരായ ശ്രീജിത്ത്, സിദ്ധിഖ് അടങ്ങുന്ന സംഘമാണു പ്രതിയെ പിടികൂടിയത്. പ്രതിയെ കോടതിയില്‍ ഹാജരാക്കി റിമാന്റ് ചെയ്തു.