പോത്തന്‍കോട്: ആനയ്‌ക്കോട് ദേവീ ക്ഷേത്രത്തത്തിലെ മീനം രേവതി പ്രതിഷ്ഠ മഹോത്സവം മാര്‍ച്ച് 13 മുതല്‍ 19 വരെ നടക്കും.
13 ന് ഉച്ചക്ക് 12.35 ന് കൊടിയേറ്റ്. രാത്രി എട്ടിന് കുടിയിരുത്ത്. 14 ന് വൈകുന്നേരം 6.30 ന് സാംസ്‌കാരിക സമ്മേളനം ഡെപ്യുട്ടി സ്പീക്കര്‍ വി.ശശി ഉദ്ഘാടനം ചെയ്യും.
ശിവഗിരി മഠം സ്വാമി ശൂക്ഷ്മാനന്ദ സരസ്വതി, സ്വാമി ഗുരുരത്‌നം ജ്ഞാനതപസ്വി, സി.ആര്‍.പി.എഫ്. ഡി.ഐ.ജി ഡോ.അശോക്കുമാര്‍, കഴക്കൂട്ടം പ്രേംകുമാര്‍, വാവറമ്പലം സുരേന്ദ്രന്‍ പങ്കെടുക്കും.
രാത്രി ഒന്‍പതിന് നാടന്‍ പാട്ട്. 15 ന് വൈകുന്നേരം 7 .15 ന് ഭക്തിഗാനസുധ. രാത്രി ഒന്‍പതിന് നാടകം. 16 ന് രാവിലെ 7.30 ന് പന്തീരുനാഴി നിവേദ്യം. രാത്രി ഏഴിന് നൃത്തം. 9 .30 ന് കാക്കാരിശ്ശി നാടകം.
17 ന് രാവിലെ 10 ന് നാഗരൂട്ട്. 18 ന് വൈകുന്നേരം ഏഴിന് ഉരുള്‍ ഘോഷയാത്ര.രാത്രി 10 ന് മിമിക്‌സ്. 19 ന് രാവിലെ ഒന്‍പതിന് സമൂഹ പൊങ്കാല.
വൈകുന്നേരം നാല് മുതല്‍ ആനപ്പുറത്തെഴുന്നള്ളിപ്പ് ഘോഷയാത്ര. ഉത്സവ ദിവസങ്ങളില്‍ ഉച്ചക്ക് 12.30 ന് അന്നദാനം.