ന്യൂഡല്‍ഹി: ലതാ മങ്കേഷ്‌കറെ അവഹേളിച്ച് ന്യൂയോര്‍ക്ക് ടൈംസും രംഗത്ത്. ക്രിക്കറ്റ് ഇതിഹാസം സച്ചിന്‍ ടെണ്ടുല്‍കറെയും ഇന്ത്യയുടെ വിഖ്യാത ഗായിക ലതാ മങ്കേഷ്‌കറെയും അവഹേളിച്ച ്കഴിഞ്ഞ ദിവസം സാമൂഹികമാധ്യമങ്ങളില്‍ വീഡിയോ പ്രദര്‍ശിപ്പിച്ചതിന് പിന്നാലെയാണ് ന്യൂയോര്‍ക്ക് ടൈംസില്‍ ലതാമങ്കേഷ്‌കറെ അപമാനിക്കുന്ന തരത്തില്‍ അഭിസംബോധന ചെയ്തത്.
ഏതോ ഒരു പാട്ടുകാരിയെന്ന് പറയപ്പെടുന്ന എന്നാണ് ലതയെ ന്യൂയോര്‍ക്ക് ടൈംസ് വിശേഷിപ്പിച്ചത്.

ഹാസ്യകലാകാരന്‍ തന്‍മയ് ഭട്ട് പുറത്തു വിട്ട സച്ചിന്‍ വേഴ്‌സസ് ലതാ സിവില്‍ വാര്‍ എന്ന വീഡിയോയുമായി ബന്ധപ്പെട്ട ന്യൂയോര്‍ക്ക് ടൈംസ് വാര്‍ത്തയിലാണ് ലതയെ ഏതോ ഒരു കലാകാരിയെന്ന് സൂചിപ്പിച്ചത്.
വിരാട് കോഹ്‌ലിയാണോ സച്ചിനാണോ മികച്ച ബാറ്റ്‌സ്മാന്‍ എന്നതിനെ ചൊല്ലി സച്ചിനും ലതാ മങ്കഷേ്കറും തമ്മില്‍ തര്‍ക്കിക്കുന്നതായിരുന്നു ഭട്ടിന്റെ വീഡിയോ.