തെഹ്‌റാന്‍: ഇറാനില്‍ സ്വകാര്യ തുര്‍ക്കി ജെറ്റ് വിമാനം തകര്‍ന്ന് 11 മരണം. യു.എ.ഇയിലെ ഷാര്‍ജയില്‍നിന്ന് ഇസ്താംബൂളിലേക്കു തിരിച്ച വിമാനമാണ് സഗ്രോസ് പര്‍വതനിരയില്‍ തകര്‍ന്നുവീണത്. തുര്‍ക്കിയിലെ ശതകോടീശ്വരന്‍ ഹുസൈന്‍ ബസാറന്റെ മകള്‍ മിന ബസാറനും മരിച്ചവരില്‍ ഉള്‍പ്പെടും.
28കാരിയായ മിനയുടെ വിവാഹ ആഘോഷങ്ങളുടെ ഭാഗമായി ഷാര്‍ജയില്‍ ഒരു ചടങ്ങില്‍ പങ്കെടുക്കാനെത്തിയതായിരുന്നു സംഘം. ഇവിടെ സ്ത്രീകള്‍ക്കായി പ്രത്യേകം സംഘടിപ്പിച്ച പരിപാടിയില്‍ പങ്കെടുക്കാന്‍ മിനക്കൊപ്പം തിരിച്ച സുഹൃത്തുക്കളാണ് മരിച്ച ബാക്കിയുള്ളവര്‍.
വിമാനത്തിന്റെ സാങ്കേതിക തകരാറാണ് അപകടത്തിനു കാരണമെന്നാണു കരുതുന്നത്.