ആലപ്പുഴ: സെന്‍കുമാറിനെ ഡി.ജി.പി സ്ഥാനത്ത് നിന്ന് മാറ്റിയതില്‍ തെറ്റില്ലെന്ന് വെള്ളാപ്പള്ളി നടേശന്‍. ബി.ജെ.പി സംസ്ഥാന അധ്യക്ഷന്‍ കുമ്മനം രാജശേഖരനുമായുള്ള കൂടിക്കാഴ്ചയ്ക്കു ശേഷം വാര്‍ത്താസമ്മേളനത്തില്‍ സംസാരിക്കുകയായിരുന്നു അദ്ദേഹം. ഭരണമാറ്റം ഉണ്ടാകുമ്പോള്‍ ഇത്തരം നടപടി സ്വാഭാവികമാണ്. എന്നാല്‍ അതിനു തെറ്റായ നടപടിക്രമം സ്വീകരിച്ചത് ശരിയായില്ലെന്നും വെള്ളാപ്പള്ളി പറഞ്ഞു. മുഖ്യമന്ത്രി പിണറായി പ്രധാനമന്ത്രി നരേന്ദ്രമോദിയെ സന്ദര്‍ശിച്ചത് കുചേലന്‍ കൃഷ്ണനെ കാണാന്‍ പോയതുപോലെയാണെന്നും കേരളത്തിനു കൈനിറയെ പദ്ധതികള്‍ ലഭിച്ചുവെന്നും വെള്ളാപ്പള്ളി പറഞ്ഞു.
ചര്‍ച്ചകള്‍ നടത്തി ആശങ്കകള്‍ നീക്കിയശേഷം വേണം ദേവസ്വം ബോര്‍ഡ് നിയമനങ്ങള്‍ പി.എസ്.സിക്ക് വിടേണ്ടതെന്നും വെള്ളാപ്പളളി വ്യക്തമാക്കി.