തൃശൂര്‍: മധ്യനിര താരവും തൃശൂര്‍ ഒല്ലൂര്‍ സ്വദേശിയുമായ അനന്ദു മുരളി കേരളാ ബ്ലാസ്റ്റേഴ്‌സില്‍. ബ്ലാസ്റ്റേഴ്‌സിന്റെ റിസര്‍വ് ടീമിലേക്കാണ് സെലക്ഷന്‍ ലഭിച്ചിട്ടുള്ളത്. സന്തോഷ് ട്രോഫിയില്‍ കേരളത്തിന് വേണ്ടി അനന്ദു കളിച്ചിട്ടുണ്ട്. തൃശൂര്‍ റെഡ് സ്റ്റാര്‍ അക്കാദമിയിലൂടെ ഉയര്‍ന്ന് വന്ന താരം 2013ല്‍ ബയേണ്‍ മ്യൂണിക്കില്‍ നടന്ന പരിശീലന പരിപാടിയിലും പങ്കെടുത്തിരുന്നു.
ചെന്നൈ ലീഗിലും ഗോകുലം എഫ്. സിക്ക് വേണ്ടിയും അനന്ദു ബൂട്ട് കെട്ടിയിട്ടുണ്ട്. അടുത്ത ദിവസം തുടങ്ങുന്ന സെക്കന്‍ഡ് ഡിവിഷനില്‍ ബ്ലാസ്റ്റേഴ്‌സിനായി അനന്ദു ഇറങ്ങുന്നുണ്ട്.