ന്യൂ ഡല്‍ഹി: ഏപ്രില്‍ നാലുമുതല്‍ 15 വരെ ആസ്‌ത്രേലിയയില്‍ നടക്കുന്ന കോമണ്‍വെല്‍ത്ത് ഗെയിംസിനുള്ള ഇന്ത്യന്‍ ഹോക്കി ടീമിനെ പ്രഖ്യാപിച്ചു. മിഡ്ഫീല്‍ഡര്‍ മന്‍പ്രീത് സിംഗിനെ നായകനാക്കി 18 അംഗ ടീമിനെയാണ് പ്രഖ്യാപിച്ചത്.
മലയാളി താരം ശ്രീജേഷ് ഇടവേളക്ക് ശേഷം ടീമില്‍ തിരിച്ചെത്തിയിട്ടുണ്ട്. പ്രതിരോധ താരം ചിങ്‌ലെന്‍സന സിംഗാണ് ഉപനായകന്‍. ഒന്നാം നമ്പര്‍ ഗോള്‍കീപ്പറായിട്ടാണ് ശ്രീജേഷിനെ തിരിച്ചു വിളിച്ചിട്ടുള്ളത്.
ഇംഗ്ലണ്ട്, വെയില്‍സ്, മലേഷ്യ, പാക്കിസ്ഥാന്‍ എന്നിവര്‍ക്കൊപ്പം പൂള്‍ ബിയിലാണ് ഇന്ത്യയുള്ളത്. ഏപ്രില്‍ ഏഴിന് പാക്കിസ്ഥാനെതിരേയാണ് ഇന്ത്യയുടെ ആദ്യ മത്സരം.