കൊയിലാണ്ടി: അരിക്കുളം അഞ്ചാംപീടിക റോഡ് തകര്‍ന്നത് യാത്രക്കാര്‍ക്ക് ദുരിതമാകുന്നു.
മീറ്ററുകളോളം നീളത്തില്‍ റോഡ് തകര്‍ന്നിട്ടും റീടാറിങ്ങിനോ, അറ്റകുറ്റപണികള്‍ക്കോ അധികൃതര്‍ തയാറാകാത്തത് വലിയ പ്രതിഷേധമുയര്‍ത്തുന്നുണ്ട്.
യാത്രക്കാര്‍ക്കും, വാഹനങ്ങള്‍ക്കും ദുരിതമായ അഞ്ചാംപീടിക റോഡ് ഗതാഗതയോഗ്യമാക്കണമെന്നാവശ്യ പ്പെട്ട് സി.ഐ.ടി.യുവിന്റെ നേതൃത്വത്തിലുള്ള ഓട്ടോ തൊഴിലാളികള്‍ ഇന്നലെ വൈകിട്ടും ടൗണില്‍ പ്രതിഷേധ പ്രകടനം നടത്തി.
റോഡ് തകരുകയും, കുണ്ടും കുഴിയും കാരണം നിരവധി അപകടങ്ങളാണ് പ്രദേശത്ത് നടക്കുന്നത്. റോഡിലെ കുഴിയില്‍ വീണ് ഇരുചക്രവാഹനങ്ങള്‍ നിത്യവും അപകടത്തില്‍പ്പെടുന്നുണ്ട്. അധികൃതരുടെ അനാസ്ഥക്കെതിരെയും ,അഞ്ചാംപീടിക റോഡിന്റെ ശോചനീയാവസ്ഥക്കെതിരേയും വരും ദിവസങ്ങളില്‍ ജനകീയവേദിയുടെ ആഭിമുഖ്യത്തില്‍ സമരപരിപാടികള്‍ക്ക് നേതൃത്വം നല്‍കുമെന്ന് നാട്ടുകാര്‍ പറഞ്ഞു.