കുന്ദമംഗലം: മദ്‌റസകള്‍ മികവിന്റെ കേന്ദ്രങ്ങള്‍ എന്ന പ്രമേയവുമായി സമസ്ത കേരള മദ്‌റസാ മാനേജ്‌മെന്റ് അസോസിയേഷന്‍ നടത്തുന്ന കാംപയിന്റെ ഭാഗമായി നടക്കുന്ന മേഖലാ ശില്‍പശാലയ്ക്ക് തുടക്കമായി. കുറ്റിക്കാട്ടൂര്‍ ജാമിഅ യമാനിയ്യയില്‍ നടന്ന കേഴിക്കോട് മേഖലാ ശില്‍പശാല ജില്ലാ പ്രസിഡന്റ് എ.പി.പി തങ്ങള്‍ ഉദ്ഘാടനം ചെയ്തു. ജില്ലയിലെ 18 വിവിധ റെയ്ഞ്ചുകളില്‍ നിന്നായി 187290 മദ്‌റസകളുടെ ഭാരവാഹികള്‍ ശില്‍പശാലയില്‍ പങ്കെടുത്തു. പിണങ്ങോട് അബൂബക്കര്‍ ക്ലാസെടുത്തു. പ്രസിഡന്റ് കെ മാമുക്കോയ ഹാജി അധ്യക്ഷനായി. ടി.കെ പരീക്കുട്ടിഹാജി, കെ.പി കോയ, പി. മാമുക്കോയ ഹാജി, കെ മൊയ്തീന്‍ കുട്ടി, അസൈനാര്‍ ഫൈസി പ്രസംഗിച്ചു. സെക്രട്ടറി സി.എ ഷുക്കൂര്‍ മാസ്റ്റര്‍ സ്വാഗതവും സൈനുല്‍ ആബിദീന്‍ തങ്ങല്‍ നന്ദിയും പറഞ്ഞു.