കോഴിക്കോട്: സര്‍ക്കാര്‍ തൊഴില്‍ നൈപുണ്യ വകുപ്പും എംപ്ലോയബിലിറ്റി സെന്ററും മലാപ്പറമ്പ് ഗവ. വനിതാ പോളിടെക്‌നിക്കും സംയുക്തമായി വനിതകള്‍ക്ക് ലക്ഷ്യ 2018 എന്ന പേരില്‍ തൊഴില്‍മേള നടത്തുന്നു. മലാപ്പറമ്പ് വനിതാ പോളിടെക്‌നിക്കില്‍ നടക്കുന്ന മേളയില്‍ സംസ്ഥാനത്തെയും ബംഗളൂരുവിലെയും 40 ലേറെ കമ്പനികള്‍ പങ്കെടുക്കുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു.
മേള രാവിലെ 9.30ന് സബ് കലക്ടര്‍ വി. വിഗ്‌നേശ്വരി ഐ.എ.എസ് ഉദ്ഘാടനം ചെയ്യും. എന്‍ജിനീയറിങ്, ഹെല്‍ത്ത് കെയര്‍, ഓട്ടോ മോബൈല്‍സ്, ബാങ്കിങ്, ടെക്സ്റ്റയില്‍സ്, മര്‍ക്കറ്റിങ്, ഐ.ടി മേഖലകളിലായി 2500ഓളം ഒഴിവുകളാണ് റിപ്പോര്‍ട്ട് ചെയ്തിട്ടുള്ളത്. രജിസ്‌ട്രേഷന്‍ സൗജന്യമാണ്. വാര്‍ത്താസമ്മേളനത്തില്‍ ജില്ലാ എംപ്ലോയ്‌മെന്റ് ഓഫിസര്‍ സി.ജി സാബു, എംപ്ലോയബിലിറ്റി സെന്റര്‍ ഹെഡ് വിദ്യാ വി. നായര്‍, അനൂപ്, സച്ചിന്‍ സംബന്ധിച്ചു. വിവരങ്ങള്‍ക്ക് 0495 2370176.