കോഴിക്കോട്: എസ്.കെ.എസ്.എസ്.എഫ് സംസ്ഥാന എക്‌സിക്യൂട്ടീവ് ക്യാംപ് 'തിങ്ക് ടാങ്ക്'നാളെ മുതല്‍ വയനാട് ജില്ലയിലെ വാകേരി ശിഹാബ് തങ്ങള്‍ ഇസ്‌ലാമിക് അക്കാദമിയില്‍ നടക്കും.
സംഘടനയുടെ അടുത്ത രണ്ട് വര്‍ഷത്തെ കര്‍മപദ്ധതികള്‍ തയാറാക്കുകയാണ് ക്യാംപ് ലക്ഷ്യമാക്കുന്നത്.
സംസ്ഥാന സെക്രട്ടേറിയറ്റ്, ഉപസമിതി ചെയര്‍മാന്‍ - കണ്‍വീനര്‍മാര്‍, ജില്ലാ പ്രസിഡന്റ് - ജനറല്‍ സെക്രട്ടറിമാര്‍ എന്നിവരാണ് രണ്ട് ദിവസത്തെ ക്യാംപില്‍ പങ്കെടുക്കുക.
ശനിയാഴ്ച വൈകിട്ട് 4 മണി മുതല്‍ ഞായറാഴ്ച ഉച്ചക്ക് 2 മണി വരെയാണ് ക്യാംപ് നടക്കുക.
പാണക്കാട് സയ്യിദ് ഹമീദലി ശിഹാബ് തങ്ങള്‍, കെ.ടി. ഹംസ മുസ്‌ലിയാര്‍, അബ്ദു റസാഖ് ബുസ്താനി, ഇബ്രാഹീം ഫൈസി പേരാല്‍, ഹാരിസ് ബാഖവി, അഷ്‌റഫ് ഫൈസി പനമരം തുടങ്ങിയവര്‍ വിവിധ സെഷനുകളില്‍ സംബന്ധിക്കും.