ന്യൂഡല്‍ഹി: 64ാമത് കോണ്‍ഗ്രസ് പ്ലീനറി സമ്മേളനത്തിന് ഇന്ന് തുടക്കമാകും. ഔദ്യോഗികമായി സമ്മേളനം നാളെയാണ് തുടങ്ങുന്നതെങ്കിലും ഇന്ന് പാര്‍ട്ടിയുടെ സ്റ്റിയറിങ് കമ്മിറ്റി യോഗം ചേരും. മുന്‍ പ്രധാനമന്ത്രി ഡോ. മന്‍മോഹന്‍ സിങ്ങും മുന്‍ ധനമന്ത്രി പി. ചിദംബരവും ചേര്‍ന്ന് തയാറാക്കിയ സാമ്പത്തിക നയപ്രമേയം, പ്രവര്‍ത്തകസമിതിയംഗം എ.കെ ആന്റണി തയാറാക്കിയ രാഷ്ട്രീയ പ്രമേയം, അന്തര്‍ദേശീയ രംഗത്തെ സംബന്ധിച്ച് പാര്‍ട്ടിയുടെ കാഴ്ചപ്പാട് വ്യക്തമാക്കുന്ന പ്രമേയം, കാര്‍ഷിക, തൊഴിലില്ലായ്മ സംബന്ധിച്ച പ്രമേയം എന്നിവ സമ്മേളനത്തില്‍ അവതരിപ്പിക്കും.