കൊച്ചി: ക്രിക്കറ്റില്‍ ഭാവി വാഗ്ദാനങ്ങളെ വാര്‍ത്തെടുക്കുന്നതിനും അവര്‍ക്ക് ലോകോത്തര നിലവാരമുള്ള കോച്ചിങ് സൗകര്യങ്ങള്‍ നല്‍കുന്നതിനും പീവീസ് പബ്ലിക് സ്‌കൂള്‍- യുവരാജ് സിങ് സെന്റര്‍ ഓഫ് എക്‌സലന്‍സുമായി (വൈ.എസ്.സി.ഇ) കൈകോര്‍ക്കുന്നു. വൈ.എസ്.സി.ഇയുമായി ഔദ്യോഗികമായി സഹകരിക്കുന്ന ദക്ഷിണേന്ത്യയിലെ ആദ്യത്തെ സ്‌കൂളാണ് പീവീസ് പബ്ലിക് സ്‌കൂള്‍. പീവീസ് ഗ്രൂപ്പ് ചെയര്‍മാന്‍ പി.വി അബ്ദുല്‍ വഹാബ് എം.പി യുവരാജ് സിങുമായി ഗുഡ്ഗാവിലെ വസതിയില്‍ നടത്തിയ കൂടിക്കാഴ്ചയിലാണ് ഇത് സംബന്ധിച്ച് ധാരണയായത്.