മാനന്തവാടി: അനധികൃതമായി കടത്തി കൊണ്ട് വരികയായിരുന്ന വിദേശ മദ്യം പിടികൂടി. തോല്‍പ്പെട്ടി എക്‌സൈസ് ചെക്ക് പോസ്റ്റില്‍ നടത്തിയ വാഹന പരിശോധനക്കിടെയാണ് 4.45 ലിറ്റര്‍ മദ്യം പിടികൂടിയത്. കെ.എസ്.ആര്‍.ടി.സിയുടെ കുട്ട മാനന്തവാടി ബസില്‍ നിന്നാണ് 144 കുപ്പി മദ്യം പിടികൂടിയത്. ക്വാര്‍ട്ടര്‍, പൈന്റ് കുപ്പികള്‍ സീറ്റിന് അടിയില്‍ ഒളിപ്പിച്ച നിലയിലായിരുന്നു. സംഭവവുമായി ബന്ധപ്പെട്ട് ആരെയും പിടികൂടിയിട്ടില്ല. എക്‌സൈസ് മാനന്തവാടി സി.ഐ വൈ ഷിബുവിന്റെ നേതൃത്വത്തിലായിരുന്നു പരിശോധന.