മലപ്പുറം: സമസ്ത ആദര്‍ശ കാംപയിനിന്റെ ഭാഗമായി മലപ്പുറം, പാലക്കാട്, തൃശൂര്‍, നീലഗിരി ജില്ലകളിലെ മഹല്ല് ഭാരവാഹികളും സമസ്തയുടെയും കീഴ്ഘടകങ്ങളുടെയും മണ്ഡലം - ജില്ലാ കൗണ്‍സിലര്‍മാരും പങ്കെടുക്കുന്ന മധ്യ മേഖലാ പ്രവര്‍ത്തക സംഗമത്തിന്റെ പ്രചാരണാര്‍ഥം ജില്ലാ കണ്‍വന്‍ഷനുകള്‍ നടത്താന്‍ സുന്നി മഹലില്‍ ചേര്‍ന്ന സ്വാഗതസംഘം യോഗം തീരുമാനിച്ചു. തൃശൂര്‍ ജില്ലാ കണ്‍വന്‍ഷന്‍ മാര്‍ച്ച് 19 ന് കാലത്ത് 10ന് ചാവക്കാട്ടും ഗൂഢല്ലൂര്‍ ജില്ലാ കണ്‍വന്‍ഷന്‍ വൈകിട്ട് 3ന് ഗൂഢല്ലൂര്‍ യതീംഖാനയിലും നടക്കും. പാലക്കാട് ജില്ലാ കണ്‍വന്‍ഷന്‍ 24ന് വൈകിട്ട് 4ന് ചെര്‍പ്പുളശ്ശേരിയിലും മലപ്പുറം ജില്ലാ കണ്‍വന്‍ഷന്‍ വൈകിട്ട് 3ന് പട്ടിക്കാട് ജാമിഅ നൂരിയ്യയിലും നടക്കും. കണ്‍വന്‍ഷനുകളില്‍ സമസ്തയുടെയും പോഷക ഘടകങ്ങളുടെയും ജില്ലയിലെ മുഴുവന്‍ കൗണ്‍സിലര്‍മാരും പഞ്ചായത്ത് - മണ്ഡലം ഭാരവാഹികളും പങ്കെടുക്കണം.
യോഗത്തില്‍ വര്‍ക്കിങ് ചെയര്‍മാന്‍ പുത്തനഴി മൊയ്തീന്‍ ഫൈസി അധ്യക്ഷനായി. സമസ്ത കേന്ദ്ര മുശാവറ അംഗം പി. കുഞ്ഞാണി മുസ്്‌ലിയാര്‍ ഉദ്ഘാടനം ചെയ്തു. അബ്ദുസ്സമദ് പൂക്കോട്ടൂര്‍, അബ്ദുല്‍ ഹമീദ് ഫൈസി അമ്പലക്കടവ്, ആദൃശ്ശേരി ഹംസക്കുട്ടി മുസ്‌ലിയാര്‍, സയ്യിദ് കെ.കെ.എസ് തങ്ങള്‍ വെട്ടിച്ചിറ, കെ.എ റഹ്മാന്‍ ഫൈസി, കാളാവ് സൈതലി മുസ്‌ലിയാര്‍, ജി.എം സ്വലാഹുദ്ദീന്‍ ഫൈസി വല്ലപ്പുഴ, ഹംസ ബിന്‍ ജമാല്‍ റംലി, കെ. അബ്ദുല്‍ ഖാദിര്‍ ഫൈസി കുന്നുംപുറം, സലീം എടക്കര, ഹസന്‍ സഖാഫി പൂക്കോട്ടൂര്‍, കാടാമ്പുഴ മൂസ ഹാജി, അലവി ഫൈസി കൊളപ്പറമ്പ്, പി.കെ.എ ലതീഫ് ഫൈസി, എം.പി മുഹമ്മദ് മുസ്‌ലിയാര്‍ കടുങ്ങല്ലൂര്‍, ഹസന്‍ ഫൈസി കാച്ചിനിക്കാട്, ഒ.കെ.എം കുട്ടി ഉമരി, സി.എം കുട്ടി സഖാഫി വെള്ളേരി, വീരാന്‍ കുട്ടി ഹാജി കിഴിശ്ശേരി, നാലകത്ത് കുഞ്ഞിപ്പോക്കര്‍, എം.എം കുട്ടി മൗലവി, സി.എച്ച് ത്വയ്യിബ് ഫൈസി, ആനമങ്ങാട് മുഹമ്മദ് കുട്ടി ഫൈസി, സയ്യിദ് ബി.എസ്.കെ തങ്ങള്‍, എം.എ ചേളാരി, പി.കെ ശമീര്‍ ഫൈസി ഒടമല, സല്‍മാന്‍ ഫൈസി തിരൂര്‍ക്കാട്, സയ്യിദ് നിയാസലി ശിഹാബ് തങ്ങള്‍ സംബന്ധിച്ചു.