തൃക്കരിപ്പൂര്‍:ഏപ്രില്‍ 20, 21, 22 തിയതികളില്‍ തൃക്കരിപ്പൂര്‍ കൈതക്കാട്‌വച്ച് നടക്കുന്ന സുന്നി മഹല്ല് ഫെഡറേഷന്‍ സംസ്ഥാന സമ്മേളനം ലൈറ്റ് ഓഫ് മദീനയുടെ പ്രദര്‍ശന നഗരിക്കുള്ള കാല്‍ നാട്ടല്‍ കര്‍മം എസ്.എം.എഫ് സംസ്ഥാന വൈസ് പ്രസിഡന്റ് സയ്യിദ് മുഹമ്മദ് കോയ തങ്ങള്‍ ജമലുല്ലൈലി നിര്‍വഹിച്ചു. ടി.കെ പൂക്കോയ തങ്ങള്‍ ചന്തേര അധ്യക്ഷനായി.
സംസ്ഥാന സെക്രട്ടറി ഉമര്‍ ഫൈസി മുക്കം മുഖ്യപ്രഭാഷണം നടത്തി.
കാസര്‍കോട് മാലിക് ബ്‌നു ദീനാര്‍ മഖാം സിയാറത്തോടെ ആരംഭിച്ച സ്മൃതിപഥ പ്രയാണം ജില്ലാ പ്രസിഡന്റ് ചെര്‍ക്കളം അബ്ദുല്ല ഉദ്ഘാടനം ചെയ്തു. യു.എം അബ്ദുറഹ്മാന്‍ മുസ്‌ലിയാര്‍ മുഖ്യാതിഥിയായി.
സി.ടി അബ്ദുല്‍ ഖാദര്‍ ആമുഖ പ്രഭാഷണം നടത്തി. എസ്.വി മുഹമ്മദലി മാസ്റ്റര്‍ വിഷയാവതരണം നടത്തി. എസ്.കെ ഹംസ ഹാജി, എ.കെ ആലിപ്പറമ്പ്, ചുഴലി മുഹ്‌യുദ്ദീന്‍ മുസ്‌ലിയാര്‍, എ. ഹമീദ് ഹാജി, ശഫീഖ് തങ്ങള്‍, കല്ലട്ര അബ്ബാസ് ഹാജി, ശംസുദ്ദീന്‍ ഹാജി, എം.സി ഇബ്‌റാഹിം ഹാജി, അബ്ദുല്‍ മജീദ് ബാഖവി, ഖത്തര്‍ അബ്ദുല്ല ഹാജി, ബി.എസ് ഇബ്‌റാഹിം, മുബാറക് ഹാജി, ഇ.എം കുട്ടി ഹാജി, ആശിഖ് നിസാമി, ഹാരിസ് ഹസനി, സഈദ് ദാരിമി, ഹഖീം മാസ്റ്റര്‍, ജാബിര്‍ ഹുദവി, നാസര്‍ കല്ലൂരാവി സംബന്ധിച്ചു.