ആതന്‍സ്: അഭയാര്‍ഥികള്‍ സഞ്ചരിച്ച ബോട്ട് മുങ്ങി ഈജിയന്‍ കടലില്‍ 14 പേര്‍ മരിച്ചതായി ഗ്രീക്ക് കോസ്റ്റ് ഗാര്‍ഡ്. അപകടത്തില്‍ മൂന്നു പേരെ രക്ഷപ്പെടുത്തി. മരിച്ചവരില്‍ അഞ്ചു കുട്ടികള്‍ ഉള്‍പ്പെട്ടതായും ഗ്രീക്ക് കോസ്റ്റ് ഗാര്‍ഡിനെ ഉദ്ദരിച്ച് പ്രാദേശികമാധ്യമങ്ങള്‍ റിപ്പോര്‍ട്ട് ചെയ്തു.

അപകടത്തില്‍പ്പെട്ടവര്‍ ഏത് രാജ്യത്ത് നിന്നുള്ളവരാണെന്ന് വ്യക്തമല്ല. 22 അഭയാര്‍ഥികള്‍ ബോട്ടിലുണ്ടായിരുന്നതായാണ് കരുതുന്നത്. ഗ്രീസിന്റെ നിയന്ത്രണത്തിലുള്ള അഗത്തോണിസി ദ്വീപിനു സമീപമാണ് അപകടമുണ്ടായത്.