ലഖ്‌നൗ: ഉത്തര്‍പ്രദേശിലെ ഗൊരഖ്പൂര്‍, ഫുല്‍പൂര്‍ ഉപതെരഞ്ഞെടുപ്പുകളിലുണ്ടായ കനത്ത പരാജയം അപ്രതീക്ഷിതമായിരുന്നുവെന്ന് ബി.ജെ.പി. ഇത്തരമൊരു സാഹചര്യം ഭാവിയില്‍ ഉണ്ടാകാതിരിക്കാന്‍ ശ്രദ്ധിക്കുമെന്ന് പാര്‍ട്ടി മുന്‍ അധ്യക്ഷനും കേന്ദ്രമന്ത്രിയുമായ രാജ്‌നാഥ് സിങ് വ്യക്തമാക്കി.
യു.പി മുഖ്യമന്ത്രി യോഗി ആദിത്യനാഥ് സ്ഥിരമായി വിജയിച്ചുവന്ന ഗൊരഖ്പൂരും, ഉപമുഖ്യമന്ത്രി കേശവ് പ്രസാദ് മൗര്യ വിജയിച്ചിരുന്ന ഫുല്‍പൂരും അട്ടമറിയിലൂടെയാണ് സമാജ് വാദി പാര്‍ട്ടി പിടിച്ചെടുത്തത്. തെരഞ്ഞെടുപ്പിനു ശേഷം ഇതുവരെ മുതിര്‍ന്ന നേതാക്കളാരും പ്രതികരണവുമായി എത്തിയിരുന്നില്ല. ഇതാദ്യമായാണ് ഒരു മുതിര്‍ന്ന നേതാവ് ഇക്കാര്യത്തില്‍ പ്രതികരിക്കുന്നത്.