കൊച്ചി: തൃപ്പൂണിത്തുറയില്‍ സ്ത്രീയെ നടുറോഡില്‍ ആക്രമിച്ച് പരുക്കേല്‍പ്പിച്ച സംഭവത്തില്‍ കേരള വനിതാ കമ്മിഷന്‍ സ്വമേധയാ കേസെടുത്തു. കൊച്ചി സിറ്റി പൊലിസ് കമ്മിഷണറുമായി ചെയര്‍പേഴ്‌സണ്‍ എം.സി. ജോസഫൈന്‍ ഫോണില്‍ സംസാരിച്ച് പ്രതിയെ എത്രയും വേഗം പിടികൂടാന്‍ നിര്‍ദേശം നല്‍കി. പ്രത്യേക സംഘത്തെ നിയോഗിച്ച് പ്രതിയെ അറസ്റ്റ് ചെയ്യുമെന്ന് പൊലിസ് കമ്മിഷണര്‍ അറിയിച്ചു. ആക്രമണത്തിനിരയായ സ്ത്രീയെ നാളെ ചെയര്‍പേഴ്‌സണ്‍ സന്ദര്‍ശിക്കും.