കൊല്‍ക്കത്ത: കത്്‌വയില്‍ സ്ഥാപിച്ച രാജ്യത്തെ പ്രഥമ പ്രധാനമന്ത്രി ജവഹര്‍ലാല്‍ നെഹ്്‌റുവിന്റെ പ്രതിമയില്‍ കരി ഓയില്‍ ഒഴിച്ചു. ആരാണ് ഇതിനുപിന്നിലെന്ന് കണ്ടെത്താനായിട്ടില്ല. സംഭവം അറിഞ്ഞതോടെ പൊലിസ് സ്ഥലത്തെത്തി ഇത് കഴുകി കളയുകയായിരുന്നു. ത്രിപുരയില്‍ ആദ്യമായി അധികാരത്തിലേറിയ ബി.ജെ.പി അഗര്‍ത്തലക്കടുത്ത് സ്ഥാപിച്ച ലെനിന്റെ പ്രതിമ തകര്‍ത്തിരുന്നു. ഇതിനു പിന്നാലെയാണ് രാജ്യത്തിന്റെ പല ഭാഗത്തും വിവിധ നേതാക്കളുടെ പ്രതിമകള്‍ക്കുനേരെ ആക്രമണമുണ്ടായത്. കത്്‌വയില്‍ നെഹ്‌റുവിന്റെ പ്രതിമ വികൃതമാക്കിയ സംഭവത്തില്‍ അക്രമസംഭവങ്ങള്‍ ഇല്ലാതിരിക്കാന്‍ ശക്തമായ സുരക്ഷ ഏര്‍പ്പെടുത്തിയതായി പൊലിസ് അറിയിച്ചു.