ന്യൂയോര്‍ക്ക്: ഹോളിവുഡിലെ ലൈംഗിക വിവാദങ്ങള്‍ ഓസ്‌കറിനെയും പിന്തുടരുന്നു. ഓസ്‌കര്‍ അക്കാദമി തലവന്‍ ജോണ്‍ ബെയ്‌ലിക്കെതിരേ ലൈംഗിക ആരോപണവുമായി നിരവധി പേര്‍ രംഗത്തെത്തി.
ഛായാഗ്രാഹകന്‍ കൂടിയായ ബെയ്‌ലിക്കെതിരേ ഇതിനകം മൂന്ന് ആരോപണങ്ങളാണ് ഉയര്‍ന്നിരിക്കുന്നത്. വിവിധ വിനോദ പ്രസിദ്ധീകരണങ്ങളാണു ആരോപണ വാര്‍ത്തകള്‍ പ്രസിദ്ധീകരിച്ചത്. കഴിഞ്ഞ ബുധനാഴ്ച ലൈഫ്‌സ്റ്റൈല്‍ മാഗസിനായ 'വറൈറ്റി'യാണ് ആദ്യ ആരോപണവുമായി രംഗത്തെത്തിയത്.
എന്നാല്‍, 75കാരനായ ബെയ്‌ലി ആരോപണത്തെ കുറിച്ചു പ്രതികരിച്ചിട്ടില്ല.
അതേസമയം, ആരോപണങ്ങളെ കുറിച്ചു നിരീക്ഷിച്ചുവരുന്നതായി ഓസ്‌കര്‍ അക്കാദമി അറിയിച്ചു. എന്നാല്‍, ആര്‍ക്കെതിരേയാണ് ആരോപണമെന്ന കാര്യം അക്കാദമി സ്ഥിരീകരിക്കാന്‍ തയാറായിട്ടില്ല.