ബൊഗോട (കൊളംബിയ): ഈ വര്‍ഷം റഷ്യയില്‍ നടക്കുന്ന ഫിഫ ലോകകപ്പില്‍ വീഡിയോ അസിസ്റ്റന്റ് റഫറി ടെക്‌നോളജി (വി.എ.ആര്‍) ഉപയോഗിക്കാന്‍ ഫിഫ അനുമതി. ഇംഗ്ലണ്ടിലേയും ഇറ്റലിയിലേയും ക്ലബ് ഫുട്‌ബോള്‍ പോരാട്ടങ്ങളിലടക്കം നിലവില്‍ വി.എ.ആര്‍ ഉപയോഗത്തിലുണ്ട്.
ഫിഫയുടെ മുന്നോട്ടുള്ള പ്രയാണത്തിന്റെ ചുവടാണിതെന്നും റഫറിമാര്‍ക്ക് കൂടുതല്‍ സഹായം നല്‍കാന്‍ ടെക്‌നോളജി ഉപകാരപ്പെടുമെന്നും ഫിഫ തലവന്‍ ജിയോവാനി ഇന്‍ഫാന്റിനോ വ്യക്തമാക്കി.