ദമാം: സ്‌പോണ്‍സറുടെ മദ്യക്കടത്തില്‍ ഇരയായ മലയാളി യുവാവ് സഊദി ജയിലില്‍. കൊല്ലം കാട്ടാക്കട സ്വദേശി അബ്ദുല്‍ വാഹിദാണ് 17 മാസമായി ദമാമില്‍ ജയിലില്‍ കഴിയുന്നത്. ഇദ്ദേഹത്തിന്റെ കാറില്‍ സ്‌പോണ്‍സര്‍ ഒളിപ്പിച്ചു കടത്തുകയായിരുന്ന മദ്യം വാഹനയാത്രക്കിടെ പിടികൂടുകയായിരുന്നു.
സ്‌പോണ്‍സര്‍ ബഹ്‌റൈനില്‍നിന്ന് നല്‍കുന്ന ആളുകളെ ദമാം എയര്‍പോര്‍ട്ടില്‍ എത്തിക്കുന്ന ജോലിയായിരുന്നു വാഹിദിന്റേത്. ഇതിനായി സ്‌പോണ്‍സര്‍ ഒരു കാര്‍ വാടകയ്‌ക്കെടുത്ത് നല്‍കുകയും ചെയ്തു. ഇതിനിടയിലാണ് വാഹന പരിശോധനക്കിടെ ഇദ്ദേഹം പിടിയിലാകുന്നത്. ഇപ്പോള്‍ സ്‌പോണ്‍സറെ സഊദി അധികൃതര്‍ പിടികിട്ടാപ്പുള്ളിയായി പ്രഖ്യാപിച്ചതായാണ് വിവരം. വാഹിദിനെ മോചിതനാക്കാനുള്ള ശ്രമത്തിലാണ് കുടുംബവും സഊദിയിലെ സാമൂഹ്യ പ്രവര്‍ത്തകരും.