മലപ്പുറം:  സംസ്ഥാന പട്ടികജാതി വികസന വകുപ്പിന് കീഴില്‍ തിരുവനന്തപുരത്ത് മണ്ണന്തല  അംബേദ്കര്‍ ഭവനില്‍ പ്രവര്‍ത്തിക്കുന്ന ഇന്‍സ്റ്റിറ്റ്യൂട്ട് ഫോര്‍ സിവില്‍ സര്‍വീസസ്  എക്‌സാമിനേഷന്‍ ട്രെയ്‌നിങ് സൊസൈറ്റിയില്‍ സൗജന്യ സിവില്‍ സര്‍വീസ് പരീക്ഷാ  പരിശീലനത്തിന് പട്ടികജാതി - വര്‍ഗ വിഭാഗക്കാക്ക് അപേക്ഷിക്കാം. 30  ഒഴിവുകളാണുള്ളത്.  പരമാവധി ഒന്‍പത് സീറ്റുകളില്‍ വരെ പട്ടികവര്‍ഗക്കാര്‍ക്ക്  പ്രവേശനം നല്‍കും. 2016 ഓഗസ്റ്റ് ഒന്നിന് 20 നും 36നും ഇടയില്‍ പ്രായവും അംഗീകൃത  സര്‍വകലാശാല ബിരുദവുമുള്ളവര്‍ക്കും അവസാന വര്‍ഷ ഫലം പ്രതീക്ഷിക്കുന്നവര്‍ക്കും  അപേക്ഷിക്കാം.
പൂരിപ്പിച്ച അപേക്ഷാ  ഫോം പ്രിന്‍സിപ്പല്‍, ഇന്‍സ്റ്റിറ്റൂട്ട് ഫോര്‍ സിവില്‍ സര്‍വീസസ് എക്‌സാമിനേഷന്‍ ട്രെയിനിങ്  സൊസൈറ്റി, ഗ്രൗണ്ട് ഫ്‌ളോര്‍, അംബേദ്കര്‍ ഭവന്‍, ഗവ. പ്രസ്സിന് സമീപം, മണ്ണന്തല,  തിരുവനന്തപുരം-695015 വിലാസത്തില്‍ 25 ന് വൈകീട്ട് അഞ്ചിനകം ലഭിക്കണം.  മുന്‍പ് പരിശീലനം ലഭിച്ചവര്‍ അപേക്ഷിക്കാന്‍ അര്‍ഹരല്ല. ഫോണ്‍: 8547958889.