ദോഹ: ഖത്തര്‍ കെ.എം.സി.സി കുറ്റ്യാടി മണ്ഡലം കമ്മിറ്റി പ്രസിഡന്റായി സിറാജ് മാതോത്തിനെയും ജനറല്‍ സെക്രട്ടറിയായി ഷബീര്‍ മേമുണ്ടയെയും ട്രഷറായി സല്‍മാന്‍ എളയടത്തെയും തെരഞ്ഞെടുത്തു. ഫിര്‍ദൗസ് മണിയൂര്‍, ഫൈസല്‍ കായക്കണ്ടി, സലാം തീക്കുനി, കുഞ്ഞമ്മദ് തിയ്യാറമ്പത്ത് (വൈസ്. പ്രസിഡന്റുമാര്‍), അബ്ദുല്‍ സമദ് കടമേരി, ജലീല്‍ ടി.വി, റഹീം എന്‍.കെ, സമദ് എം.കെ (സെക്രട്ടറിമാര്‍) എന്നിവരെയും തിരഞ്ഞെടുത്തു.

ഹിലാലിലെ കെ.എം.സി.സി ഹാളില്‍ നടന്ന ജനറല്‍ കൗണ്‍സിലില്‍ സംസ്ഥാന മുസ്‌ലിം ലീഗ് സെക്രട്ടറി കെ.എം ഷാജി എം.എല്‍.എയാണ് ഭാരവാഹികളെ പ്രഖ്യാപിച്ചത്. കെ.കെ മൊയ്തു മൗലവിയുടെ പ്രാര്‍ത്ഥനയോടെ ആരംഭിച്ച യോഗത്തില്‍ പ്രസിഡന്റ് നീലഞ്ചേരിക്കണ്ടി അബ്ദുല്ല അധ്യക്ഷത വഹിച്ചു. ട്രഷറര്‍ മുഹമ്മദ് പി.കെ സ്വാഗതം പറഞ്ഞു.

കുറ്റ്യാടി നിയോജകമണ്ഡലം എം.എല്‍.എ പാറക്കല്‍ അബ്ദുല്ല ഉദ്ഘാടനം ചെയ്തു. 1.40 കോടി രൂപയുടെ ജീവകരുണ്യം അടക്കമുള്ള പ്രവര്‍ത്തനങ്ങള്‍ മണ്ഡലത്തിലും ഖത്തറിലും നടപ്പാക്കിയതായി ജന.സെക്രട്ടറി അജ്മല്‍ നബില്‍ അവതരിപ്പിച്ച കമ്മറ്റിയുടെ പ്രവര്‍ത്തന റിപ്പോര്‍ട്ടില്‍ ചൂണ്ടാക്കാട്ടി. വരവ് ചിലവ് കണക്കും അവതരിപ്പിച്ചു. റിട്ടേണിംഗ് ഓഫീസര്‍മാരായ തായമ്പത്ത് കുഞ്ഞാലി, കരീം കൊടുവള്ളി, എന്നിവര്‍ തിരഞ്ഞെടുപ്പ് നിയന്ത്രിച്ചു.

ചടങ്ങില്‍ കെ.എം.ഷാജി എം.എല്‍.എ. മുഖ്യ പ്രഭാഷണം നടത്തി. സംസ്ഥാന കെ.എം.സി.സി ജനറല്‍ സിക്രട്ടറി അബ്ദുന്നാസര്‍ നാച്ചി,കുറ്റ്യാടി മണ്ഡലം മുസ്‌ലിം ലീഗ് സെക്രട്ടറി കെ.സി മുജീബ് റഹ്മാന്‍, ജാഫര്‍ തയ്യില്‍,അന്‍വര്‍ ബാബു,അസീസ് നരിക്കുനി,ഫൈസല്‍ അരോമ, അടിയോട്ടില്‍ അഹമ്മദ് , അഹ്മദ് പാതിരിപ്പറ്റ , ടി.കെ അബ്ദുല്‍ കരീം , നീലാഞ്ചേരി അബ്ദുല്ല, അജ്മല്‍ നബീല്‍, സല്‍മാന്‍ മുണ്ടിയാട്ട്, ,കെ കെ മൊയ്തു മൗലവി,പി വി.മുഹമ്മദ് മൗലവി, കപ്ലികണ്ടി പോക്കര്‍ ഹാജി, എം.പി ഇല്യാസ്, ശരീഫ് മാമ്പയില്‍, എന്നിവര്‍ ആശംസയര്‍പ്പിച്ചു. പുതുതായി തിരഞ്ഞെടുക്കപ്പെട്ട പ്രസിഡന്റ് സിറാജ് മാതോത്ത് നന്ദി പറഞ്ഞു.