മലപ്പുറം: സഹനം, സമരം, സമര്‍പ്പണം എന്ന പ്രമേയത്തോടെ വിശുദ്ധ റമദാനില്‍ നടത്തുന്ന  റമദാന്‍ കാമ്പയിനും ഉദ്ഘാടന സമ്മേളനവും വിജയിപ്പിക്കുവാന്‍  എസ്.വൈ.എസ് ജില്ലാ പ്രസിഡന്റ് സയ്യിദ് അബ്ബാസലി ശിഹാബ് തങ്ങളും എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് ഫഖ്‌റുദ്ദീന്‍ ഹസനി തങ്ങളും സെക്രട്ടറിമാരായ അബ്ദുസ്സമദ് പൂക്കോട്ടൂര്‍, ശഹീര്‍ അന്‍വരി പുറങ്ങ് എന്നിവരും ആഹ്വാനം ചെയ്തു. അഞ്ചിന് വൈകീട്ട് നാലിന് മലപ്പുറം സുന്നിമഹല്‍ ശിഹാബ് തങ്ങള്‍ ഓഡിറ്റോറിയത്തില്‍ നടക്കുന്ന ഉദ്ഘാടന സമ്മേളനത്തില്‍ സഹനം, സമരം, സമര്‍പ്പണം വിഷയത്തില്‍ സൈദ് മുഹമ്മദ് നിസാമി പ്രഭാഷണം നടത്തും. സമസ്തയുടെയും കീഴ്ഘടകങ്ങളുടെയും പ്രവര്‍ത്തകര്‍ സംഗമത്തിനെത്തണമെന്ന് നേതാക്കള്‍ ആഹ്വാനം ചെയ്തു.