പെരിന്തല്‍മണ്ണ: മോട്ടോര്‍ സൈക്കിളിലും കാറുകളിലും കറങ്ങി നടന്ന് മൊബൈല്‍ ടവറുകളില്‍ നിന്നും സോളാര്‍ സ്ട്രീറ്റ് ലൈറ്റുകളില്‍ നിന്നും ബാറ്ററികള്‍ മോഷണം നടത്തി വില്‍പ്പന നടത്തുന്ന മൂന്നുപേരെ പെരിന്തല്‍മണ്ണ പൊലിസ് അറസ്റ്റ് ചെയ്തു. പെരിന്തല്‍മണ്ണ സി.ഐ യുടെ നേതൃത്വത്തിലുള്ള സംഘമാണ് പ്രതികളെ അറസ്റ്റ് ചെയ്തത്. പാലക്കാട് വെള്ളിനേഴി സ്വദേശി തെങ്ങിന്‍തൊടിയില്‍ സുരേന്ദ്രന്‍ (19), പാലക്കാട് കരുവട്ടം പൊട്ടികുഴിയില്‍ ബിജേഷ് (19),പാലക്കാട് വെള്ളിനേഴി സ്വദേശി തെങ്ങിന്‍തൊടി മുജീബ്(21) എന്നിവരെയാണ് പെരിന്തല്‍മണ്ണ പൊലിസ് അറസ്റ്റ് ചെയ്തത്.
മോഷണം നടത്തി വില്‍പ്പനക്ക് കൊ@ുവന്നിരുന്ന ബാറ്ററികള്‍ സഹിതമാണ് പ്രതികള്‍ പിടിയിലായത്. ഇവര്‍ സഞ്ചരിച്ചിരുന്ന കാറും കസ്റ്റഡിയിലെടുത്തിട്ടു@ണ്ട്. പ്രതികളെ വിശദമായി ചോദ്യം ചെയ്തതില്‍ പാലക്കാട് വെള്ളിനേഴി പഞ്ചായത്തില്‍  റോഡരികില്‍ സ്ഥാപിച്ചിരുന്ന  സോളാര്‍ സട്രീറ്റ് ലൈറ്റില്‍ നിന്നും മാങ്ങോട് ഭാഗത്തുള്ള മൊബൈല്‍ ടവറില്‍ നിന്നുമാണ് ബാറ്ററികള്‍ മോഷണം നടത്തിയതെന്ന് പ്രതികള്‍ സമ്മതിച്ചിട്ടു@ണ്ട്. പെരിന്തല്‍മണ്ണ സി.ഐ എ.എം സിദ്ദീഖ്, എസ്.ഐ ജോബി തോമസ്, എസ്.ഐ കൃഷ്ണകുമാര്‍, എസ്.ഐ വേലായുധന്‍, എ.എസ്.ഐ മോഹന്‍ദാസ്, മോഹനകൃഷ്ണന്‍, സി.പി മുരളി, അഭിലാഷ്, നിബിന്‍ പാസ്‌കല്‍, നസീര്‍  എന്നിവരടങ്ങുന്ന സംഘമാണ് കേസന്വേഷണം നടത്തിയത്. പ്രതികളെ പെരിന്തല്‍മണ്ണ ഫസ്റ്റ് ക്ലാസ് മജിസ്‌ട്രേറ്റ് കോടതിയില്‍ ഹാജരാക്കി റിമാന്‍ഡ് ചെയ്തു.