തിരുവനന്തപുരം: ചൈല്‍ഡ് വെല്‍ഫെയര്‍ കമ്മിറ്റി, ജുവനൈല്‍ ജസ്റ്റിസ് ബോര്‍ഡ് എന്നിവിടങ്ങളില്‍ നിന്ന് കുട്ടികള്‍ക്ക് അകമ്പടി നല്‍കുന്നതിന് അതത് പൊലിസ് യൂനിറ്റുകള്‍ നിര്‍ദേശം ലഭിച്ച് 15 ദിവസത്തിനകം നടപടി സ്വീകരിക്കണമെന്ന് സംസ്ഥാന പൊലിസ് മേധാവി ഉത്തരവിട്ടു.
സംസ്ഥാന ബാലാവകാശ സംരക്ഷണ കമ്മിഷന്‍ നല്‍കിയ നിര്‍ദേശത്തെത്തുടര്‍ന്നാണ് നടപടി.
ഇതര സംസ്ഥാനക്കാരെ മടക്കി അയക്കുന്നതിന് പൊലിസിന്റെ സഹായം ലഭിക്കുന്നില്ലെന്ന പരാതിയില്‍ കമ്മിഷന്റെ ശുപാര്‍ശകള്‍ പാലിക്കുന്നതിന് പൊലിസ് മേധാവി നേരത്തെ എല്ലാ ജില്ലാ പൊലിസ് സൂപ്രണ്ടുമാര്‍ക്കും നിര്‍ദേശം നല്‍കിയിരുന്നു.