തൃശൂര്‍: കോസ്റ്റ് ഫോര്‍ഡ് ഡയറക്ടറും രാഷ്ട്രീയ, സാംസ്‌കാരിക രംഗത്തെ പ്രമുഖനുമായ ടി.ആര്‍ ചന്ദ്രദത്ത് അന്തരിച്ചു. 75 വയസായിരുന്നു. പുലര്‍ച്ചെ 3.30 ന് കൊച്ചിയിലെ സ്വകാര്യ ആശുപത്രിയില്‍ ചികിത്സയിലിരിക്കെയായിരുന്നു അന്ത്യം.

മൃതദേഹം 12 വരെ തളിക്കുളത്തും അതിനുശേഷം നാലുവരെ കോസ്റ്റ്‌ഫോര്‍ഡിലും പൊതുദര്‍ശനത്തിനു വയ്ക്കും. തുടര്‍ന്ന് മൃതദേഹം മെഡിക്കല്‍ കോളജിന് വിട്ടുകൊടുക്കും.

പ്രമുഖ കമ്മ്യുണിസ്റ്റ് നേതാവും സ്വാതന്ത്ര്യ സമരസേനാനിയുമായിരുന്ന സഖാവ് ടി കെ രാമന്റേയും ഇ. ആര്‍ കുഞ്ഞിപ്പെണ്ണിന്റെയും മകനാണ്. വലപ്പാട് ഗവ. ഹൈസ്‌കൂള്‍, വലപ്പാട് ശ്രീരാമ പോളിടെക്‌നിക്ക് എന്നിവിടങ്ങളില്‍ വിദ്യാഭ്യാസം പൂര്‍ത്തിയാക്കിയ ടി.ആര്‍ ചന്ദ്രദത്ത് വലപ്പാട് ശ്രീരാമ പോളിടെക്‌നിക്കിലെ അധ്യാപകനും തളിക്കുളം വികാസ് ട്രസ്റ്റിന്റെ ചെയര്‍മാനുമായിരുന്നു. നാട്ടിക എസ്.എന്‍ കോളേജ് മുന്‍ പ്രിന്‍സിപ്പാള്‍ ടി.ആര്‍ ഹാരി, അജയഘോഷ് എന്നിവര്‍ സഹോദരങ്ങളാണ്.