മലപ്പുറം: സ്‌കൂളുകളിലെ മികവുത്സവം നടത്തണമെന്ന തീരുമാനം പിന്‍വലിച്ചു. പൊതുവിദ്യാലയങ്ങളിലെ പഠന-പാഠ്യേതര മികവുകള്‍ അവതരിപ്പിക്കാന്‍ മികവുത്സവം എന്ന പേരില്‍ പൊതുപരിപാടി സംഘടിപ്പിക്കണമെന്ന വിദ്യാഭ്യാസ വകുപ്പിന്റെ നിര്‍ദേശമാണ് ഇന്നലെ ചേര്‍ന്ന ക്യൂ.ഐ.പി മീറ്റിങ് റദ്ദാക്കിയത്. അവധിക്കാലത്ത് മികവുത്സവം നടത്താനുള്ള നിര്‍ദേശത്തിനെതിരേ അധ്യാപക സംഘടനകള്‍ രംഗത്തുവന്നിരുന്നു. ഇതുപരിഗണിച്ചാണ് മികവുത്സവം നടത്തല്‍ നിര്‍ബന്ധമാക്കേണ്ടതില്ലെന്ന് പൊതുവിദ്യാഭ്യാസ ഡയരക്ടര്‍ കെ. മോഹന്‍കുമാറിന്റെ അധ്യക്ഷതയില്‍ ചേര്‍ന്ന യോഗം തീരുമാനിച്ചത്്.