കൊല്‍ക്കത്ത: സന്തോഷ് ട്രോഫി ഫൈനല്‍ റൗണ്ട് മത്സരത്തില്‍ മിസോറാമിനും പഞ്ചാബിനും ജയം. ഗ്രൂപ്പ് ബി മത്സരത്തില്‍ ഗോവയെയാണ് മിസോറാം പരാജയപ്പെടുത്തിയത്. ഒന്നിനെതിരേ മൂന്ന് ഗോളുകള്‍ക്കാണ് മിസോറാം വിജയിച്ചത്.
11-ാം മിനുട്ടില്‍ വിക്ടോറിയ ഫെര്‍ണാണ്ടസ് ഗോവക്കായി ആദ്യ ഗോള്‍ സ്‌കോര്‍ ചെയ്തു. എന്നാല്‍ അധികം വൈകാതെ മിസോറാം ലാല്‍റിന്‍ പൂയയിലൂടെ ഗോള്‍ മടക്കി. കളി അവസാനക്കാന്‍ മിനുട്ടികള്‍ മാത്രം ബാക്കി നില്‍ക്കെ ലാല്‍ റോമവിയ മിസോറമിനായി ഇരട്ട ഗോള്‍ നേടി വിജയം സ്വന്തം കൈപ്പിടിയിലാക്കുകയായിരുന്നു. മറ്റൊരു മത്സരത്തില്‍ പഞ്ചാബ് ഒഡിഷയെ പരാജയപ്പെടുത്തി. ഒരു ഗോളിന് പിറകില്‍ നില്‍ക്കുയായിരുന്ന പഞ്ചാബ് ഒന്നിനെതിരേ രണ്ട് ഗോളുകള്‍ക്കാണ് ഒഡിഷയെ തോല്‍പിച്ചത്. ഗോള്‍ രഹിതമായിരുന്നു ആദ്യ പകുതി. കളിയിലെ മൂന്ന് ഗോളുകളും പിറന്നത് രണ്ടാം പകുതിക്ക് ശേഷമായിരുന്നു.
62-ാം മിനുട്ടില്‍ നബിന്‍ സുനയാണ് ഒഡിഷയുടെ ആദ്യ ഗോള്‍ നേടിയത്. 70-ാം മിനുട്ടില്‍ ക്യാപ്റ്റന്‍ സരബ്ജിത്തിന്റെ ഗോളിലൂടെ പഞ്ചാബ് സമനില പിടിച്ചു.
80-ാം മിനുട്ടില്‍ സെല്‍ഫ് ഗോളിലൂടെയായിരുന്നു പഞ്ചാബിന്റെ വിജയം. ഒഡിഷ താരം രുദ്ര പ്രഥാന്റെ വകയായിരുന്നു സെല്‍ഫ് ഗോള്‍.